பின்லாந்தில்   உணர்வெழுச்சியுடன் நடைபெற்ற தமிழீழத் தேசிய மாவீரர் நாள் 2024.

​

பின்லாந்தில் மாவீரர்நாள் நிகழ்வுகள் மிகவும் எழுச்சிகரமாக நடைபெற்றது . தமிழீழ தேச விடுதலைக்காக தமது இன்னுயிர்களைத் தியாகம் செய்த மாவீரர்களை நினைவேந்தும் , தமிழீழ தேசிய மாவீரர்நாள் 2024 இன் நிகழ்வுகள் பின்லாந்தில் மிகவும் சிறப்பாக எழுச்சிகரமாக நடைபெற்றது. மாவீரர்நாள் நிகழ்வுகள் பொதுச்சுடரேற்றலுடன் ஆரம்பமாகியது.  

தேசியத்தலைவரின் 2008 ஆம்ஆண்டு மாவீரர்நாள் உரையைத் தொடர்ந்து , தமிழீழ விடுதலைப்புலிகள், அனைத்துலகத்தொடர்பகத்தின் கொள்கை வகுப்பு உரை ஒலிபரப்பப்பட்டது.  தொடர்ந்து மாவீரர்கள், நாட்டுப்பற்றாளர்கள். பொதுமக்களிற்கான அகவணக்கம் செலுத்தப்பட்டு,துயிலுமில்லப்பாடல் ஒலிக்கவிடப்பட்டது. 

தொடர்ந்து மாவீரர் நினைவுகளைத் தாங்கிய கலைநிகழ்வுகள் இளையோர்களால் சிறப்பாக நிகழ்த்தப்பட்டன. இறுதியில் நம்புங்கள் தமிழீழம் நாளைபிறக்கும் பாடல் ஒலிக்க விடப்பட்டு தேசியக்கொடி கையேந்தலுடன் நிகழ்வுகள் நிறைவடைந்தது.